عاشوره (قلمي نسخو)
عاشوره قلمي نسخو
عاشوره (قلمي نسخو): هي قلمي نسخو ‘عاشوري’ بابت لکيل آهي، جنهن جو مصنف نامعلوم آهي. هي نسخو خط نسخ ۾ ڪتابت ٿيل آهي. هن جو ڪاتب ۽ ڪتابت جي تاريخ پڻ نامعلوم آهي. نسخي جي شروعات هن طرح ٿئي ٿي:
“بسم الله الرحمٰن الرحيم پيغمبر
جي فرمايو ته جيڪو رات عاشوري
جي سا رڪعتن .... الخ”
پڄاڻي هن طرح ٿئي ٿي:
“.... سيد عبدالله صحابي رحمة الله عليه” 120 صفحن تي مشتمل هن نسخي جي هر صفحي تي 12 سٽون آهن. هي نسخو سنڌي ادبي بورڊ جي قلمي نسخن ۾ محفوظ آهي.